सागमा पदक विजेता धनकुटाका खेलाडीलाई पनि नगद सहित अभिनन्दन गरिने
धनकुटा खबर, १६ पुष । काठमाण्डौमा हालै सम्पन्न १३ औ दक्षिण एसियाली खेलकुद (साग) मा नेपाललाई पदक दिलाउन सफल धनकुटाका २ जना खेलाडीलाई अभिनन्दन गरिने भएको छ ।
धनकुटा नगरपालिकाले आज पत्रकार सम्मेलन गरि धनकुटाका सुजल श्रेष्ठ र चित्र ठकुरीलाई नगद सहित अभिनन्दन गरिने जानकारी दिएको हो । सुजलले फुटबलमा स्वर्णपदक तथा चित्रले उसुमा कास्य पदक दिलाएका थिए ।
स्वर्ण पदक विजेता फुटबलका सुजल श्रेष्ठलाई १ लाख र उसुकी चित्र ठकुरीलाई ५० हजार रुपैया सहित अभिनन्दन गरिन धनकुटा नगरपालिकाका उपप्रमुख शकुन्तला बस्नेतले जानकारी दिनुभयो । कार्यक्रम साँस्कृतिक झाँकी सहित नगरपरिक्रमा गरेर तल्लो टुँडिखेलमा कार्यक्रम सम्पन्न गरिने प्रमुख प्रशासकिय अधिकृत रामबहादुर थापाले बताए ।
