जापानको सहयोगमा धनकुटा अस्पतालमा अक्सिजन प्लान्ट
धनकुटा खबर, फागुन १४ । धनकुटा अस्पतालमा जापान सरकारको अनुदान सहयोगमा निर्माण भएको अक्सिजन प्लान्ट भोलि हस्तान्तरण गरिने भएको छ ।
सूर्य वहादुर थापा प्रतिष्ठानका अध्यक्ष तथा पूर्व मन्त्री सुनिल वहादुर थापाको पहल तथा विशेष अनुरोधमा जापान सरकारको अनुदान सहयोगमा धनकुटा अस्पतालमा निर्माण भएको अक्सिजन प्लान्टको जापानी राजदुत साईगो मासामिचीले जिल्ला अस्पताल धनकुटालाई हस्तान्तरण गर्न लाग्नु भएको हो ।
पूर्वी पहाडी जिल्लाका जनतालाई सुविधा दिनका लागि धनकुटा अपस्तालमा उक्त अक्सिजन प्लान्ट निर्माण गर्न जापानी राजदुतलाई आग्रह गरिए अनुसार जापान सरकारको करोड वढीको लागतमा निर्माण सम्पन्न भएको सूर्य वहादुर थापा प्रतिष्ठानका अध्यक्ष तथा पूर्व मन्त्री सुनिल वहादुर थापाले वताउनु भयो ।
साे अक्सिजन प्लान्टबाट धनकुटा अस्पताल लगायत पूर्वी पहाडी जिल्लाका अस्पतालहरुलाई अक्सिजन उपलब्ध गराउन सकिने धनकुटा जिल्ला अस्पतालले जनाएको छ । अक्सिजन प्लान्ट धनकुटा अस्पतालाई हस्तान्तरण गर्न जापानि राजदुत साईगो मासामिचका साथ सूर्य वहादुर थापा प्रतिष्ठानका अध्यक्ष तथा पूर्व मन्त्री सुनिल वहादुर थापा धनकुटा आउनुहुने जनाईएको छ ।
