कोरोना भा,ईरसबाट ब,च्न धनकुटामा हातधुने अभियान
धनकुटा खबर, चैत १० । जिल्लाको सर्वसाधारणलाई कोरोना भा,ईरसको सं,क्रमणबाट ब,च्न आज धनकुटा नगरपालिका र छथर जोरपाटी गाउँपालिकाको विभिन्न स्थानमा जनचेतना मूलक कार्यक्रम गर्दै सावुन पानीले हात धुने ठाउँ स्थापना गरिएको छ ।
धनकुटा उद्योग बाणिज्य संघ, धनकुटा नगरपालिका र छथरजोरपाटी गाउपालिकाको संयुक्त आयोजनामा हातधुने सहितका जनचेतना मुलुक अभियान सञ्चालन गरिएको हो । जसअनुसार धनकुटा र हिलेमा भएको यो अभियान अन्र्तगत १७ वटा चौक तथा सार्वजानिक स्थलहरुमा हात धुने ठाउँको स्थापना गरिएको छ ।
हातधुने अभियानको धनकुटा नगरपालिकाका प्रमुख चिन्तन तामाङ्गले उद्घाटन गर्नु हुदै कोरोना भाईसबाट बच्नका लागि सचेतना अभियान सवैले सञ्चालन गर्नु पर्नेमा जोड दिनु भयो । धनकुटा उद्योग बाणिज्य संघका अध्यक्ष विजय सन्तोषी राईको अध्यक्षतमा भएको हात धुने स्थलको स्थापना कार्यक्रममा धनकुटा उद्योग बाािणज्य संघका वरिष्ठ उपाध्यक्ष मन कुमारी तितुङ्ग, उपाध्यक्ष खगेन्द्र विष्ट लगायतको सहभागीता थियो ।
यसैगरी हिले बजारमा भएको हात धुने स्थल स्थापना कार्यक्रमको उद्घाटन धनकुटा नगरपालिका वडा नं १ का वडाध्यक्ष निरन तामाङ्गले गर्नु भएको थियो । यसैगरी छथरजोरपाटी गाउँपालिकाको संयूक्त आयोजनामा भएको हात धुने स्थलको स्थापना कार्यक्रम अन्र्तगत छथरजोरपाटी गाउँपालिकाको जोरपाटी बजार र सिधुवा बजारमा ७ वटा हात धुने ठाउँ स्थापना गरिएको छ ।
यहाँ भएको कार्यक्रमको छथरजोरपाटी गाउपालिकाका उपाध्यक्ष भिमकला श्रेष्ठले उद्घाटन गर्नु भएको थियो । धनकुटा उद्योग बाणिज्य संघका पदाधिकारी सहित छथरजोरपार्टी गाउँपालिका वडा नं ६ का वडाध्यक्ष दिल वहादुर थापा,धनकुटा उद्योग बाणिज्य संघ छथरजोरपाटी शाखाका अध्यक्ष शिव श्रेष्ठ, छथरजोरपाटी स्वास्थ्य शाखाका प्रमुख सुन्दरमान डङ्गोल लगायतको उपस्थिती थियो ।
