सजिवन विक्रि गरेर किसानले राम्रो आम्दानी गर्दै
धनकुटा,१० बैशाख । धनकुटाको बेसीँ क्षेत्रका जंगलमा पाइने सजिवन विक्रि गरेर यस क्षेत्रका किसानले राम्रो आम्दानी गर्न थालेका छन् साथै पछिल्लो समय यसको व्यावसायीक खेति गर्न समेत थालिएको छ ।
बारी तथा जंगलमा उत्पादन भएको सजीवन टिपेर मुलघाट सहित कोशी लोकमार्गको छेउछाउ बसेर यात्रु तथा तरकारी व्यापारी लाई बिक्रि गर्ने यहाँका स्थानियहरुले राम्रो आम्दानी लिन थालेका छन् । जंगलमा पाईने तरकारी मध्ये एक लोकप्रिय तरकारी सजीवन बने संगै यसको व्यापार समेत फस्टाउदै गएको छ ।
मानव शरीरलाई आबश्यक पर्ने पोषक तत्व प्रसस्त पाइने भए पछि धनकुटाको मुलघाटबाट तराई झर्ने र माथिल्लो क्षेत्र जाने जोकोहिको लागि अहिले कोसेली बन्ने गरेको छ सजीवन । एक दशक अघि सम्म बिक्रि बितरणनै नहुने सजीवन पछिल्लो समय भने तरकारीको रुपमा लोकप्रिय भन्दै गएको र अहिले यसको व्यापार पनि राम्रो रहेको धनकुटा नगरपालिका ९ की मनमाया निरौला बताउँनु भयो ।
पानी कम भएको सुख्खा क्षेत्रमै खेती गर्न सकिने यो तरकारी बालि यो समुद्र सतहबाट १२०० मिटरको उचाइ सम्म खेती गर्न सकिन्छ । धनकुटाको तमोर र अरुण नदि आसपास सहित बेसीँ क्षेत्रको करिब १५ हजार हेक्टर क्षेत्रफलमा यसको खेती गर्न सकिने बताइन्छ । यसको जरा बाहेक सम्पुर्ण चिज प्रयोग हुन्छ ।
फल सब्जी खान प्रयोग हुन्छ भने बोक्रो, काठ, फुल, मुन्टा र पातको धुलो बनाइ मसलाको रुपमा भान्सामै प्रयोग गर्न सकिने र बिश्वका अन्य मुलुकमा सब्जी सगै मसलाको रुपमा समेत प्रयोग गर्ने गरीएको कृषि अभियानता जीवन राईले बताउँन’ भयो ।
