एमाले को लोगो प्रती माओवादी को आपती,कानुनी उपचार खोज्ने चेतावनी
नेपाल कम्युनिस्ट पार्टी (एमाले)को परिमार्जित लोगोप्रति नेपाल कम्युनिस्ट पार्टी (माओवादी केन्द्र)ले आपत्ति जनाएको छ ।
आफ्नो पार्टीको चुनाव चिह्नसँग मिल्दोजुल्दो भएकाले त्यसविरुद्ध कानुनी उपचार खोज्नेसमेत माओवादी केन्द्रले जनाएको छ ।
एमालेले विधान महाधिवेशनमा सूर्य चिह्नभित्र सुनौलो रङको हँसिया हथौडा राखेर लोगो सार्वजनिक गरेको थियो ।
माओवादी केन्द्रका नेता देव गुरुङले त्यो चिह्न आफूहरूसँग मेल खाने भएकाले कानुनी उपचार खोज्न निर्वाचन आयोगमा जाने बताए ।
माओवादीको चुनाव चिह्न गोलाकारभित्र हँसिया हथौडा रहेको छ । गोरखापत्र दैनिकमा खबर छ ।
