मोटरसाइकल दुर्घटना हुँदा एक जनाको मृत्यु
चितवन,११ पुस । चितवनमा मोटरसाइकल दुर्घटना हुँदा एक जनाको मृत्यु भएको छ भने एक जना घाइतेका भएका छन्।
जिल्ला प्रहरी कार्यालय चितवनका अनुसार भरतपुरबाट टाँडी तर्फ जादैँ गरेको बा.प्र.०२–०३४ प ५२०५ नम्बरको मोटरसाइकल बिहिबार विहान २ ः ४५ बजे रत्ननगर नगरपालिका ९ टिकौली स्थित पुर्व पश्चिम राजमार्गमा आफै अनियन्त्रित भई दुर्घटना हुदाँ मोटरसाइकल चालक चितवनको माडी नगरपालिका १ गर्दी बस्ने २० बर्षिय तृशल महतोको मृत्यु भएको हो ।
दुर्घटनामा गम्भीर घाइते भएका महतोको सेन्ट्रल हस्पिटल भरतपुरमा उपचारको क्रममा मृत्यु भएको जिल्ला प्रहरी कार्यालय चितवनका सुचना अधिकारी रवीन्द्र खनालले जानकारी दिनुभयो ।
उहाँका अनुसार मोटरसाइकलमा पछाडी सवार माडी नगरपालिका ६ बस्ने वर्ष १९ को अंकित महतो सामान्य घाइते भएका छन् । घाइते महतोको सोही अस्पतालमा उपचार भइरहेको छ ।
