एमालेको पछि-पछि कांग्रेस !, यस्तो आयो २४९ स्थानीय तहको नतिजा…
काठमाडौं । स्थानीय तह निर्वाचनको मतपरिणाम आउने क्रम जारी रहेको छ । शुक्रबार राती ९ः४५ बजेसम्म २४९ स्थानीय तहको नतिजा आइसकेको छ।
जसअनुसार नेकपा एमाले १०३ स्थानीय तहमा जित्दै पहिलो स्थानमा रहेको छ भने नेपाली कांग्रेस ९६ स्थानीय तहमा जित्दै दोस्रो स्थानमा रहेको छ ।
यस्तै नेकपा माओवादी केन्द्रले ४५ स्थानमा जित हात पार्दा संसदको चौथो ठूलो दल राप्रपा भने एक स्थानमै खुम्चिन पुगेको छ ।
यता नयाँ शक्तिले १ स्थानमा जित हात पार्दा स्वतन्त्र उम्मेदवारले तीन स्थानीय तहमा जित हात पारेका छन् ।
आइतबार २८३ स्थानीय तहको लागि पहिलो चरणको निर्वाचन भएको थियो । सरकारले प्रदेश नम्बर ३,४ र ६ मा ३४ जिल्लामा स्थानीय तहको निर्वाचन गराएको हो । बाँकी ४ प्रदेशमा भने जेठ ३१ गते निर्वाचन हुनेछ ।
दलगत नतिजा : नेकपा एमालेः १०३, नेपाली कांग्रेसः ९६, माओवादी केन्द्रः ४५, राप्रपाः १, नयाँ शक्तिः १, अन्यः ३
