काठमाडौंबाट ट्रान्जिट हुँदै दोहा जाने हवाई टिकट काट्न छाडियो
काठमाडौं, जेठ २४ । कतारमा विभिन्न सात देशले लागाएको प्रतिवन्दको असर नेपालमा पनि देखिएकोे छ । काठमाडौंबाट दुवई तथा साउदीमा ट्रान्जिट भएर उड्ने विमानले दोहा जाने यात्रु लैजान छाडेका हुन् । यसरी जाने यात्रुको टिकट काट्न छाडिएको छ ।
यसअघि टिकट लिइसकेका यात्रुलाई पनि सिधै दोहा जाने विमानमा पठाउन थालेको नेपाल नागरिक उड्डयन प्राधिकरणले जनाएको छ । यसको ओपचारीक जानकारी भने गराइनसकेको र उनीहरुले आन्तरिक रुपमा मिलाइरहेको थाहा भएको प्राधिकरणको भनाई छ ।
काठमाडौंबाट दोहाका लागि नेपाल एयरलाइन्स, कतार एयरवेइज र हिमालय एयरलाइन्सले सिधा उडान भर्दै आएका छन् । यस अघि साउदी तथा युएईमा ट्रान्जिट भएर पनि नेपाली कतार जाने गरेका थिए । टिकट सस्तोमा पाइने भएकाले यसरी जाने गरेको प्राधिकरणले जनाएको छ ।
यसअघि एयरइन्डिया, इत्तिहाद, प्लाई दुवई र एयर अरेवियाले ट्रान्जिटमा जाने यात्रु लाने गरेका थिए ।
