एमाले र कांग्रेसका यी दुई उम्मेदवार : प्रतिस्पर्धी नै सँगै भोट माग्छन्, एउटै कोठामा बस्छन्
आरोप प्रत्यारोप नगर्ने, पर्चा पनि नबाँड्ने, जसले जिते पनि मिलेर काम गर्ने
ओखलढुंगा । चुनावको बेला उम्मेदवार मात्र होइन तिनका समर्थकहरुको समेत पानी बाराबारको स्थिति हुन्छ । तर, ओखलढुंगाको एउटा गाउँमा दुई प्रमुख प्रतिस्पर्धी आपसी हार्दिकताका कारण नमूना बनेका छन् ।
ओखलढुंगाको सुदूर उत्तरी बिकट क्षेत्र खिजीदेम्वा गाउँपालिका वडा नं। ८ भुसिंगाका वडा अध्यक्षका प्रत्यासी नेपाली काँग्रेसका नगेन्द्र वस्नेत र नेकपा एमालेका तिलक गुरुङको जोडी अनौठो छ ।
उनीहरु फरक पार्टीका उम्मेदवार हुन् तर, सँगै हिड्छन् । भोट माग्दा एक अर्कालाई गाली आलोचना गर्दैनन् । बरु आ-आफ्ना एजेण्डा मतदाता समक्ष राखेर भोट माग्छन् ।
व्यक्तिगत रुपमा वडा अध्यक्षका लागि तिलक गुरुङले पर्चा समेत नबनाएको बताए । अब पर्चा नबनाउने उनले बताए ।
फरक दुई पार्टी भए पनि स्थानीय तहमा विकास निर्माणका योजनाहरुमा दुवै सँगै बसेर काम गरेका छन् । उनीहरु सदरमुकाम ओखलढुंगा आउँदा सधै एउटै कोठामा बस्छन् ।
उम्मेदवारी घोषणा भएपछि सदरमुकाममा भेटिएका दुवै जना एकै कोठामा थिए । यस्ता उम्मेदवार सम्भवत : अन्त कतै नपाइन सक्छन् ।
‘चुनाव जसले जिते पनि गाउँको विकास गर्ने हो हामी त साथीभाइ पो तु कांग्रेसका उम्मेदवार नगेन्द्र बस्नेतले भने, ‘लामो समयदेखि गाउँमा बस्नेत अध्यक्ष र गुरुङ, सचिव र कोषाध्यक्ष बन्दै सडक निर्माण, विद्यत आयोजना संचालन लगायतका आयोजनाको काम गर्दै आएका छन् ।
‘न, गाली गर्छन् न आरोप प्रत्यारोप नैु मतदाता भन्छन्, साह्रै मिलेका छन् । भुसिंगाको सामाजिक काममा उनीहरु सँधै जुटेकाले अरु पार्टीका उम्मेदवार खासै चर्चामा पनि छैनन् ।
‘आफ्ना मुद्दा राखेर भोट माग्ने हो, अरुलाई होच्याएर केहि हुन्नु एमालेका वडा अध्यक्षका उम्मेदवार तिलक गुरुङले भने ।
वडामा धेरैले कसले जित्छ भन्ने अनुमान समेत लाउन सकेका छैनन् ।’भोट त यसरी पनि माग्न सकिने रहेछ नि, उनीहरुबाट राजनीतिक संस्कार सिक्न जरुरी छु पेशागत महासंघका अध्यक्ष युवराज दाहालले भने ।
ओखलढुंगामा अन्य उम्मेदवारहरु भने एक अर्कालाई आरोप प्रत्यारोप गर्दै चुनाव प्रचारमा छन् । गुरुङ शिक्षक पेसा छोडेर चुनावी मैदानमा आएका हुन् भने बस्नेत पूर्व जिल्ला सदस्य । – अनलाईनखबरबाट ।
