एमाले धनकुटाको विस्तारित बैठक तथा प्रशिक्षण कार्यक्रम
धनकुटा खबर,१ असोज । नेकपा एमाले जिल्ला कमिटि धनकुटाको विस्तारित वैठक तथा निर्वाचित जनप्रतिनिधिहरुलाई प्रशिक्षण कार्यक्रम सम्पन्न भएको छ । नेकपा एमाले जिल्ला कमिटि धनकुटाको आयोजनामा भएको वैठक तथा प्रशिक्षण कार्यक्रमको उद्घाटन नेकपा एमालेका पोलिट व्युरो सदस्य एवं प्रदेश न.१ का सहसंयोजक शेरधन राईले गर्नुभएको छ ।
दुई दिन सम्म सञ्चालन भएको प्रशिक्षण कार्यक्रममा प्रदेश कमिटि सल्लाहाकार धर्मराज पौडेलले आर्थिक तथा सामाजिक रुपान्तरणमा पार्टीको भुमिको वारेमा, ईन्द्रमणि पराजुलीले संघ र प्रदेशको निर्वाचन रणनितिको वारेमा प्रशिक्षण दिनुभएको छ ।
यसैगरि नेकपा एमाले जिल्ला कमिटि धनकुटाका उपाध्यक्ष दुर्गा लिङ्गखाले निर्वाचित जनप्रतिनिधिहरुको काम, कर्तव्य र दायित्वको वारेमा, नेकपा एमाले जिल्ला कमिटि धनकुटाका सचिव सुरेन्द्र पौडेलले धनकुटा जिल्लाको समृद्धिको लागी गुरु योजना र प्रचार विभाग प्रमुख नैन विश्वकर्माले प्रगतिशिल आरक्षण र यसको कार्यान्वयन प्रक्रियाको वारेमा प्रशिक्षण दिनुभएको छ ।
सो अवसरमा स्थानिय तह निर्वाचनको समेत समिक्षा गरिएको छ । नेकपा एमाले जिल्ला कमिटि धनकुटाका अध्यक्ष राजेन्द्र राईको अध्यक्षतामा विस्तारित वैठक तथा प्रशिक्षण कार्यक्रम सम्पन्न भएको हो ।
