गठबन्धनको उमेद्वारीमा उद्योग मन्त्री सुनिल थापको दाबी
धनकुटा खबर । आगामी केन्दीय तहको चुनावका लागि लोकतान्त्रीक गठबन्धनको तर्फबाट धनकुटाबाट उमेद्धारको लागि आफ्नो दाबी रहेको राप्रपाका महामन्त्री सुनिल बहादुर थापाले बताउनु भएको छ ।
रिपोटर्स क्ल्व धनकुटा शाखाले आयोजना गरेको कार्यक्रममा बोल्दै थापाले अहिले आफ्नो नाम सिफारिस नभएपनि आफू उमेद्धारको लागि तयार रहेको थापाले बताउनु भयो ।
उहाँले भन्नुभयो–‘यस क्षेत्रबाट मैले बिगतमा प्रत्यक्ष चुनावमा बिजयी भएकोले पनि मेरो दाबी रहेको छ ।’
उद्योग मन्त्री समेत रहेका थापाले बर्तमा गठबन्धन आगामी दिनमा नेपाली राजनीतिलाई ‘टु पार्टी स्टिम’मा लगेर देशलाई समृद्ध बनाउने अवसर र चुनौको रुपमा रहेको बताउनुभयो ।
पत्रकार सम्मेलनमा थापाले देशभरी कृषिमा आधारित एग्रो उद्योगहरु सन्चालन गर्न मन्त्रालयले काम शुरु गरेको जानकारी दिनुभयो ।
मन्त्रायलले निर्णय पारित गरिसकेकोले उद्योग स्थापनाका लागि सम्भाव्यता अध्ययनको लागि अध्ययन टोली खटाउने अन्तिम तयारी भईसकेको उहाँले बताउनुभयो ।
पार्टी प्रशिक्षणका लागि धनकुटा आउनुभएका थापाले थापाले थापाले धनकुटालाई प्रदेश नं. १ को राजधानी बनाउन संधै आफ्नो पहलकदमी रहने बताउनुभयो ।
