फोनिज धनकुटाको तेश्रो जिल्ला अधिवेसन फागुन २० मा हुने
धनकुटा, ५ माघ । नेपाल आदिवासी जनजाति पत्रकार महासंघ (फोनिज) धनकुटा शाखाको तेश्रो जिल्ला अधिवेसन आगामी फागुन २० गते हुने भएको छ ।
आदिवासी जनजाति पत्रकार महासंघ फोजिन धनकुटा शाखाका अध्यक्ष सन्तवीर लामाको अध्यक्षतमा वसेको वैठकले आगामि फागुन २० गते जिल्ला अधिवेसन गर्ने निर्णय गरेको हो । वैठकले जिल्ला अधिवेशन तयारीको लागी शाखा सचिव विदुर खवासको संयोजकत्वमा २१ सदस्यीय तेश्रो जिल्ला अधिवेशन तयारी मुल समिति समेत गठन गरेको छ ।
वैठकले धनकुटामा क्रियाशिल आदिवासी जनजाति पत्रकारहरुको पेशागत दक्षतालाई थप व्यावासायिक वनाउन र पत्रकारिता पेशा प्रति आकषर्ण वढाउन तेश्रो अधिवेशनको अवसर पारेर आदिवासी जनजाति क्रियाशिल पत्रकारिता पुरस्कार स्थापना गर्ने पनि निर्णय गरिएको छ ।
आदिवासी जनजाति क्रियाशिल पत्रकारिता पुरस्कार हरेक तिन वर्षमा हुने जिल्ला अधिवेशनताका एक जना क्रियाशिल आदिवासी जनजाति पत्रकारलाई ५ हजार नगद र प्रमाण पत्र प्रदान गरिने छ । यस्तै एक जना अग्रज पत्रकारलाई सम्मान गरिने फोनिज धनकुटाका अध्यक्ष लामाले वताउनुभयो ।
