श्रीमतीको सम्झनामा स्वास्थ्य चौकीलाई जग्गादान
बैतडी, ७ फागुन । श्रीमतीको सम्झनामा एक व्यक्तिले बैतडीको सित्तड स्वास्थ्य चौकीलाई दुई रोपनी जग्गा निःशुल्क रुपमा प्रदान गर्नुभएको छ ।
जग्गा प्रदान गर्नेमा सित्तड–९ घमालीका रामसिंह कार्की रहेको सित्तड स्वास्थ्य चौकीका प्रमुख नैनसिंह गोयलाले जानकारी दिनुभयो ।
श्रीमती पार्वती कार्कीको सम्झनामा उहाँले स्वास्थ्य चौकीका लागि सो जग्गा प्रदान गर्नुभएको हो । पावर्तीको ५४ वर्षको उमेरमा छ महिना अगाडि मृत्यु भएको जनाएको छ ।
प्रदान गरिएको उक्त जग्गामा पार्वतीको नाममा बर्थिङ सेन्टर निर्माण गरिने प्रमुख गोयलाले बताउनुभयो ।
