त्रि-देशिय कार रयाली धनकुटाको हिलेमा : आज हिलेमै बास, भोलि झण्डा हस्तान्तरण पछि विदाई गरिने
धनकुटा खबर, फागुन १८ । साहसिक खेल,पर्यटन प्रबर्धन र विकासको पूर्वाधार, शान्ति एकता र सामाजिक न्याय नयाँ नेपालको आधार,भन्ने मुल नाराका साथ भुटान नेपाल र भारतका व्यवसायिक मोटरिङ खेलाडीहरु आज धनकुटाको हिले वजार आईपुगेकाछन् ।
नेपाल अटोमोबाइल एसोसिएसन क्षेत्रिय कमिटीद्धरा आयोजिते मोटर ¥यालिमा सहभागि हुदै उनीहरु यहाँ आएका हुन् ।
यो पनि पढ्नुहोस् -> नेपाल,भारत र भुटान सम्मिलित त्रि-देशिय कार रयाली धनकुटामा
सामाजिक र साँस्कृतिक विविधताको अध्ययन गर्दै अलौकिक हिम श्रृंखलाको अवलोकन गराइ पर्यटन प्रवद्र्धन गर्ने उद्येश्यका साथ उनीहरुलाइ धनकुटा हिले सम्म ल्याइएको नेपाल अटोमोबाइल एसोसिएसन क्षेत्रिय कमिटीका अध्यक्ष कविन श्रेष्ठले जानकारी दिनुभयो ।
भूटान,भारत र नेपालका ५७ वटा गाडीहरु मध्ये नेपालको तर्फबाट ५ टिमले सहभागिता जनाइरहेको आयोजकले जनाएको छ । सात दिनसम्म सञ्चालन हुने उक्त मोटर ¥यालि भोली विहान हिलेबाट विराटनगर हुदै भारतको सिलीगुडीको सिटी सेन्टरमा समापन हुनेछ ।
कार्यक्रममा प्रथम हुनेलाई नगद रु १ लाख ६० हजार,प्रमाण पत्र,ट्रफी र मेडल,दोस्रो हुनेलाई नगद रु ८० हजार, प्रमाण पत्र,ट्रफी र मेडल र तृतीय हुनेलाई नगद रु ४० हजार, प्रमाण पत्र,ट्रफी र मेडल प्रदान गरिने छ । मोटर ¥यालि फेव्रुवरी २५ देखि भारतको सिलीगुडीबाट शुरु भइ भुटानको पारो एयरपोर्ट,दार्जिलिङ, पशुपतिनगर, विर्तामोड, दमक, धरान, भेडेटार हुदै आज धनकुटा आइ पुगेको हो ।
यहाँ आएका मोटर ¥यालिका सहभागीहरुलाई उद्योग वाणिज्य संघ धनकुटा,धनकुटा नगरपालिका र हिले वजार व्यवस्थापन समितिले अविर र खदा लगाई भव्य रुपमा स्वागत गरेका थिए । स्वागत कार्यमा सहभागी हुदै उद्योग वाणिज्य संघ धनकुटाका अध्यक्ष उमेश घिमिरेले आज यहाँ आई पुगेका मोटर ¥यालिका सहभागीहरु यही वस्ने र भोलि विहान झण्डा हस्तान्तरण पछि विदाई गरिने जानकारी दिनुभयो ।
