३३ बर्ष पछि धनकुटामा औद्योगिक ग्राम सन्चालनमा आउने सुनिश्चित
यस बर्ष ३ करोड बिनियोजन
धनकुटा खबर, फागुन २३ । ३३ बर्ष पछि धनकुटाको औधिगिक क्षेत्रमा औधोगिक ग्राम सन्चालनमा आउने सुनिश्चित भएको छ ।
माघ २० गते वसेको मन्त्रीपरिषद्को वैठकले धनकुटा नगरपालिका वडा नं. ३ आत्मारामा रहेको औद्योगिक क्षेत्र व्यवस्थापन लिमिटेडको जग्गा घरेलु कार्यालय धनकुटामा स्वामित्व हस्तान्तरण गर्ने निर्णय गरेपछि धनकुटामा औद्योगिक ग्राम वन्ने वाटो खुलेको हो ।
२०४० सालमा अधिग्रहण भएको ६७ रोपनी जग्गाको स्वामित्व हस्तान्तरण नहुँदा निर्माणको प्रक्रिया अघि वढ्न सकेको थिएन ।
औधोगिक ग्राम बन्ने धनपा ३ मा रहेका औधोगिक क्षेत्र
मन्त्रीपरिषद्को निर्णय भएसँगै ग्रामको पूर्वाधार निर्माणको काम अघि वढेको घरेलु तथा साना उद्योग विकास समिति मुख्य शाखा कार्यालय धनकुटाका निमित्त प्रमुख दिपक पौडेलले जानकारी दिए ।
औद्योगिक व्यवसाय ऐन २०७३ अनुसार देशैभरी औद्योगिक ग्राम निर्माण गरी साना घरेलु लघुउद्यमलाई प्रोत्साहन गर्ने सरकारको नीति अनुसार चालु आवमा धनकुटाको औद्योगिक ग्रामको पूर्वाधार निर्माणको लागि ३ करोड रुपैया विनियोजन गरिएको छ ।
उक्त स्थानमा औधोगिक ग्राम सन्चालनमा आएपछि ५ लाख देखि १० करोड रुपैयासम्म स्थिर पुँजी भएका करिव ५० भन्दा वढी घरेदलु उद्योगहरु रहने घरेलु कार्यालय धनकुटाले जानकारी दिएको छ ।
