धनकुटाको हिलेमा १३ उत्कृष्ट डकुमन्ट्री प्रदर्शन हुने
धनकुटा खबर, फागुन २९ । १४ औं अन्तराष्ट्रि पर्वतिय महोत्सवमा उत्कृट १३ नेपाली डकूमेन्ट्रीहरु धनकुटाको हिलेमा २ दिन सम्म प्रदर्शन गरिने भएको छ ।
सन् २०१६ डिसेम्बरमा काठमाण्डू ईनटरनेशनल माउण्टेन फिल्म फेष्टिभल (किम्फ)को असम्पन्न १२० राष्ट्रका ४६ डकुमेन्ट्री मध्ये उत्कृष्ट १० स्थानमा परेका बृतचित्रहरु निःशुल्क प्रदर्शन गर्न लागिएको हो ।
हिमाल एशोशियसन काठमाण्डौको आयोजना, स्थानिय सिर्जनसिल साँस्कृतिक समुह हिलेको संजोजन सम्पन्न हुनलागेका उक्त डकुमेन्ट्रीको बिषयमा पत्रकार सम्मेलन गरेर आईतबार जानकारी दिएको छ ।
हिलेको सामुदायीक भवनमा सोमबार देखि प्रदर्शन हुने बृतचित्रहरुमा अ सङ फर बारपाक,बाह्रखरी लौरी,भुसको लोग्ने,बियोन द ह्वाईट केन,देवकीको खोजिमा,चन्द्र,मेला,राईज एण्ड फल,सिमलको भुवा जस्तै,स्प्टि एन्डस्,मीरा रहेका छन् ।
स्वीस राजदुताबासको आर्थिक सहयोगमा ५ मिनेट देखि ५२ मिनेट सम्मका उक्त डकुमेन्ट्रीहरु नेपाली समाजमा रहेका घटना र ब्यक्तिहरुको यथार्थ दैनिकीमा आधारित रहेको स्थानिय आयोजक संस्थाका धनकुटा प्रतिनीधि मनेश श्रेष्ठे जानकारी दिनुभयो ।
नेपाली समाजमा जनचेतना फैलाउँदै नेपाली बृतचित्रको बिकास गर्ने उदेश्यले निर्माण गरी सन् २००० देखि नेपालका बिभिन्न स्थानहरुमा प्रदर्शन गर्दै आईएको यो बृतचित्र धनकुटा पछि भोजपुर र खोटाङ्गको दिक्तेलमा प्रदर्शन गरिने आयोजकले जानकारी दिएको छ ।
