बिरोधमा छथर गाबिसको नयाँ कार्यालय स्थापना, सचिवहरुलाई अविरजात्रा गरेर कार्यालयमा भित्रयाईयो
धनकुटा खबर, फागुन ३० । धनकुटाको छ थर गाउँपालिका अन्तर्गत साबिक ३ गाबिसका असन्तुष्ट जनताहरुले जिल्लाको जोरपाटी बजारमा छथर गाबिसको कार्यालय स्थापना गरेका छन् ।
मन्त्री परिषदको निर्णय अनुसार स्थानिय बिकास मन्त्रालयले छथर गाबिस अन्तर्गत पर्ने हात्तिखर्क, परेवादिन, तेलिया र ताँखुवाको कार्यालय ताँखुवा गाबिसको काजिमाने बजारमा कार्यालय राख्न जिल्ला समन्वयन समितिलाई परिपत्र गरेको थियो ।
तर उक्त निर्णय यस अघि सर्बदलिय समितिले गरेको निर्णय बिपरित भएकोले सोमबार हात्तिखर्क, परेवादिन, तेलिया बिसका जनताहरुले उक्त कार्यालय स्थापना गरेको सर्वदलिय समितिका असंयोजक मेघेन्द्र गुरुङले जानकारी दिनुभयो ।
सोमबार ती गाबिसका जनताहरुले साबिक ताँखुवा ९ हाल २ नं.वडामा रहेको जोरपाटीमा कार्यालय स्थापना गरी ४ वटै गाबिसका गाबिस सचिवहरुलाई अविरजात्रा गरेर कार्यालयमा भित्राएका छन् ।
नयां राज्य पुनः संरचना अन्तर्गत धनकुटालाई धनकुटा,पाख्रिबास,महालक्ष्मि नगरपालिका र खाल्सा,चौबिसे र छथर गाउँपालिका गरी ७ वटा संरचनामा बिभाजन गरिएको छ ।
