धनकुटामा पुनः एक बर्ष हात्तिपाईलेको औषधी खुवाईने
धनकुटा खबर । ५ बर्षको औषधी सेवनपछि दुई गाबिसमा हात्तिपाईले रोगको लक्षण देखिएपछि धनकुटामा थप एक बर्ष उक्त रोग बिरुद्धको औषधी खुवाईने भएको छ ।
६ बर्षे अषधी बितरणको गत सालको औषधी सेवन पछि रगत परिक्षणमा साबिक लेगुवा र घोर्लीखर्क गरी ७ जनामा हात्तिपाईले रोगको लक्षण देखिएपछि धनकुटामा पुनः यो बर्ष औषधी खुवाउन लागिएको हो ।
जिल्ला स्वास्थ्य कार्यालयले सोमबार एक कार्यक्रम गरी यो बर्षको औषधी सेवन पछि थप १ बर्ष औषधी सेवन कार्यक्रम थप्ने जानकारी दिएको छ ।
धनकुटामा यो बर्षको औषधी सेवन कार्यक्रम चैत्र ५,६ र ७ गते धनकुटाका ४ सय ८० वटा स्वास्थ्य केन्द्रबाट औषधी खुवाईने कार्यक्रममा जानकारी दिएको छ ।
कार्यक्रममा कार्यालयका प्रमुख डाक्टर मदन उपाध्यायले १ सय ९८ स्वास्थ्यकर्मी परिचालन गरेर धनकुटाका १ लाख ४६ हजार ३ सय १ जनालाई औषधी खुवाईने जानकारी दिनुभयो ।
बिश्वका ७० देशका १२ करोड जनसंख्या प्रभावित भएको यो रोगबाट सन् २०२० सम्ममा नेपालबाट उन्मूलन गर्ने नेपाल सरकारको लक्ष रहेको छ ।
