होमियोपेथिकले गर्यो धनकुटाबाट संघर्षको उद्घोष ! : ‘अन्य चिकित्सा पद्दती सरह मान्यता देउ’
धनकुटा खबर, चैत ६ । होमियोपेथिक चिकित्सा पद्दतीलाई अन्य चिकित्सा पद्दती सरह मान्तता दिलाउन होमियोपेथिक केन्द्रिय समितिले धनकुटाबाट संघर्षको कार्यक्रम शुरु गरेको छ ।
होमियोपेथिक चिकित्सापद्दती अध्ययनका लागि राज्यले अनुमती दिएपनि उक्त चिकित्सा पद्दतीलाई अन्य चिकित्सा सरह त्यसको पद्दती र बिकासमा राज्यले बेवास्ता गरेकोले संघर्षमा उत्रन परेको समितिले पत्रकार सम्मेलन गरेर जानकारी दिएको छ ।
समितिले स्वास्थ्य राज्य मन्त्री तारामान गुरुङका सोकीय सचिव श्याम निरौला मार्फत् स्वास्थ्य मन्त्रालयलाई ज्ञापन पत्र बुझाउँदै मन्त्रालय घेराउ,तालाबन्दि र बिभिन्न आन्दोलनका कार्यक्रम गर्ने जानकारी दिएको छ ।
पत्रकार सम्मेलन मार्फत् बिज्ञप्ती जारी गरेर समितिले होमियोपेथिकको आफ्नै काउन्सील र परिषद् भएपनि यसलाई आयुवेर्दिक बिभाग अन्तर्गत राखेकोले यसलाई तत्काल हटाएर छुट्टै बिभाग गठनको माग समेत गरेको छ ।
सरकारले २०१० सालबाट ललितपुरको पशुपती होमियोपेथीक अस्पतालमा होमियोपेथीक डाक्टर राखेर सेवा शुरु गरेको ईतिंस भएपनि अहिले सम्म स्वास्थ्य मन्त्रलयले होमियोपेथिकलाई पुरक चिकित्सा अन्तर्गत रानु होमियोपेथिकलाई सक्ने षडयन्त्र भएको समितिको आरोप छ ।
कार्यक्रममा समितिका केन्द्रिय उपाध्यक्ष खगेन्द्र कटुवालले पहिलो चरणको कार्यक्रम अन्तर्गत हरेक जिल्लाका प्रशासन कार्यालय मार्फत् ज्ञापन–पत्र बुझाउने जानकारी दिए ।
उक्त कुराको सरकारले बेवास्ता गरेमा समितिले मन्त्रालय घेराउ, तालाबन्दि र आन्दोलनमा उत्रने सम्मको कार्यक्रम गर्ने समितिले जानकारी दिएको छ ।
अन्य चिकित्सा पद्दती सरह मान्यता नदिएमा २००७ साल देखि हाल सम्म २ हजाको हाराहारी सन्चालित स्वास्थ्य संस्था र त्यसमा कार्यरत स्वास्थ्यकर्मीहरुको भविष्य धरापमा पर्ने समितिले जनाएको छ ।
