चुँदार पेशाबाट राम्रो कमाई
धनकुटा खबर । लोपउन्मूख काष्ठ शिल्पी कला (चुँदार) पेशाबाट मोरङ्ग केरावारी ९ देवी झोडाका चुँदार कालिगढ राजकुमार बिकले मासिक ३० हजार भन्दा बढी कमाई गर्ने गरेका छन् ।
२०४५ सालबाट भुटान,भारतको दाजिलिङ्ग र नेपाल बिभिन्न स्थानपछि गत बर्ष देखि धनकुटाको भेडेटार स्थित सिम्सुवा खोलामा पानीघट्टा राखेर काठको समाग्री बनाउने काम गर्दै आएका छन् ।
५१ बर्षिया चुंदार बिकले काठ लिएर आएकाहरुको ज्यालामा र आफैं काठ खरिद गरेर बनाएको सामाग्री बेचर दैनिक १ हजार ५ सय सम्म कमाउने गरेको बताए ।
लोपउन्मूख यो पेशामा प्रतिष्प्रधा कम र पुरानो शैलीबाट बनेको सामाग्री भनेपछि सबैले मौकामा सामाग्री बनाएर राख्ने भएकाले राम्रो कमाई भएको बिकको भनाई छ ।
बिकले पानीघट्टाको सहयोगमा कटहर र दार जातिको काठबाट ठेकी,तुमबाको भाँडो,मादल,कुपी,चौंठो कठुवा लगाएतका बिभिन्न १ हजार २० प्रकारका घरेलु प्रयोग र सजावतका सामाग्रीहरु बनाउने गरेको बताए ।
न्यूनतम एक सय देखि अधिकतम १२ हजार सम्मको पर्ने उक्त समाग्रीहरु नेपालका स्थानिय बजार र बिदेशीले कोशेलीका रुपमा बिक्री हुने गरेको बिकले जानकारी दिए ।
तस्वीर: घट्टामा काठको सामाग्री बनाउँदै र आफूले बनाएको देखाउँदै बिक
