रामनवमीको अवसरमा धनकुटा हिलेमा भलिवल प्रतियोगिता, न्यू शिखर शू-ईटहरी र एपीएफ फाईनलमा
धनकुटा खबर, २२ चैत्र । न्यू शिखर शू ईटहरी र एपीएफ हिलेमा सञ्चालित १२ औ रामनवमी खुल्ला पुरुष भलिवल प्रतियोगिताको फाईनलमा प्रवेश गरेकाछन् ।
रामनवमीको अवसरमा सञ्चालित प्रतियोगिताको आज भएको पहिलो सेमी फाईनल खेलमा २३–२५,२१–२५,२१–२५ र २१–२५ अंकले पूर्व क्षेत्रीय प्रहरी तालिम केन्द्र रानीलाई पछि पार्दै एपीएफ फाईनलमा प्रवेश गरेको हो भने न्यू शिखर शू ईटहरी र पूर्व क्षेत्रीय प्रहरी कार्यलय विरानगर वीच भएको दोश्रो सेमी फाईनल खेलमा २३– २५,२४– २६ र १९–२५ अंकको फरकले न्यू शिखर शू ईटहरी फाईनलमा प्रवेश गरेको हो ।
सेमी फाईनलका यी दुई खेल भन्दा अघि मोरङ्ग भलिवल संघ संग भीडेको न्यू शिखर शू १६ –२५,१६ –२५, १६ –२५ अंकको सोझो सेटले मोरङ्गलाई हराउदै सेमी फाईनलमा प्रवेश गरेको थियो । यो सँगै अव भोलि दिउसो १ वजेदेखी न्यू शिखर शू ईटहरी र एपीएफ फाईनलमा भीड्ने पक्का भएको छ ।
हिलेमा पर्यटक प्रवद्र्धन गर्ने लक्षका साथ आयोजित यो प्रतियोगिताको विजयी प्रथम टिमले नगद ७५ हजार र दोश्रो हुने टिमले नगद ४० हजार सहित कप, मेडल र प्रमाण पत्र पुरस्कार प्राप्त गर्ने आयोजक र्सिजनशिल साँस्कृतीक समूहले जनाएको छ ।
