हिलेका युवाहरुको सक्रियतामा ५० लाखमा कबड हल
धनकुटा खबर, चैत २४ । धनकुटा हिले बजारका यूवाहरुले आफ्नै सक्रियतामा ५० लाख लागतमा कवड हलको निमार्ण शुरु गरेका छन् ।
गुराँसे टि–स्टेटको ६ रोपनी जमिनमा ३० बर्षे भोगचलन सम्झौतामा सन्चालनमा आउन लागेको उक्त कवड हल ब्याटमिन्टन कल्व हिले बजारका ३० यूवाहरुको सक्रियतामा निर्माण गर्न लागिएको हो ।
उक्त हल निर्माणका लागि यूवाहरुले हिले बजारमा मिनी मेला, हाउजी बिङ्गो खेल खेलाएर रकम संकलन गरेको निर्माण समितिका अध्यक्ष राम बहादुर गोङ्वाले जानकारी दिए ।
गएको फागुनमा पूर्व बाणिज्य तथा आपूर्ति मन्त्री सुनिलबहादुर थापाले शिलान्यास गरी निर्माणाधिन उक्त भवन जेठ अन्तिम देखि सन्चालनमा आउने गोङ्वाले जानकारी दिए ।
६ सय सिट क्षमताको हुने उक्त हल बनेपछि सम्पूर्ण ईनडोर खेलहरु हिलेमा नै आयोजना गर्न सकिने समितिले जानकारी दिएको छ ।
तस्वीर: निर्माणाधिन कवड हल
