पाँचथर गोल्डकपमा एपिएफको बिजयी सुरुबात
फिदिम, बैशाख २ । पाँचथरमा आजबाट सुरुभएको प्रथम पाँचथर गोल्डकपमा आयोजक पाँचथर क्लब पाँचथरलाइ २–१ गोलले हराउदै एफिएफ पुर्वाञ्चल सेमिफाइनल प्रबेश गरेको छ । सिमसिम पानी परेर खेलमैदान हिलो हुदाँ दुबै टिमका खेलाडीहरुलाइ खेल्न गाह्रो भएको थियो ।
शनिबार फिदिम उच्च मा.बिको मैदानमा भएको खेलमा एपिएफका उज्वल राई र सुसिल राईले गोल गरेका थिए ।
खेलको ५१ औ मिनेटमा एपिएफका उज्वल राईले फ्रिकिकबाट गोल गर्दै एपिएफलाइ सुरुबाती अग्रता दिलाएका थिए । ५७ औ मिनेटमा एपिएफका सुसिल राईले गोल गर्दै अगता दोब्बर पारेका थिए ।
पाँचथरको रक्षकहरु लाइ छल्दै राईले सुन्दर गोल गरेका थिए । खेलको अन्त तिर आयोजकका नरेश सम्हाफेले १ गोल फर्काए पनि आयोजकले हार टार्न सकेन । पाएका केहि राम्रा अबसर गुमाउदा आयोजक निराश हुन पुग्यो ।
खेल पछि पत्रकारहरु संग कुरा गर्दै पाँचथर क्लबका प्रशिक्षक सुमन कुँवरले आफ्नो टिम पराजित भए पनि राम्रो खेल प्रर्दशन गरेकोमा खुसी रहेको बताए ।
एपिएफका प्रशिक्षक बलबहादुर गुरुङले पानीका बाबजुत पनि आफ्नो टिम बिजयी भएको र अर्को खेलमा सुधार गर्नु पर्ने बताए ।
आजको खेलको म्यान अफ दि म्याच बिजेता टिमका सुसिल राइ भए । उनले नगद २००० प्राप्त गरे ।
। फिदिम उच्च मा.बि को खेल मैदानमा पाँचथर क्षेत्र नंंं. २ का सांसद उपभोक्ता भिष्म राज आङदेम्बेले उद्घाटन रेफ्रिलाइ बल हस्तातरण गरेर खेल उद्भाटन गर्नु भएको थियो ।
बैशाख ९ गते सम्म चल्ने प्रतियोगितामा प्रथम हुने टिमले उपाधि सहित नगद १ लाख ५० हजार र द्धितिय हुने टिमले नगद १ लाख रुपैँया प्राप्त गर्ने छन ।
पाँचथर गोल्डकप आइतबार हुने खेल रेडहर्स इलाम र डिएफसि मोरङ दिनको २ बजे फिदिम उच्च मा.बिको खेलमैदानमा हुने भएको छ ।
