प्रहरी नायव महानिरीक्षक नवराज सिलवाल प्रहरी नियन्त्रणमा
काठमाडौँ, ११ वैशाख । प्रहरीले नायब महानिरीक्षक नवराज सिलवाललाई प्रहरीले आज सोधपुछका लागि नियन्त्रणमा लिएको छ ।
प्रहरी महानिरीक्षकसम्बन्धी सर्वोच्च अदालतमा परेको मुद्दामा कार्यसम्पादन मूल्याङ्कन कीर्ते गरेको र प्रहरी महानिरीक्षकले बोलाएको बैठक बहिष्कार गरेको सम्बन्धमा सोधपुछका लागि नियन्त्रणमा लिएको प्रहरीले जानकारी दिएको छ ।
प्रहरी प्रवक्ता सर्वेन्द्र खनालले भन्नुभयो–“हामीले उहाँलाई सोधपुछका लागि बोलाएका थियौँ तर उहाँले मेरो वकिल पनि साथै लिएर मात्र आउँछु भनेपछि हामीले उहाँहरु दुवैजनालाई लिएर आएका हौँ ।”
सिलवाललाई प्रहरी प्रधान कार्यालयअन्तर्गत अपराध अनुसन्धान विभागमा छानबिन समितिले सोधपुछ गरिरहेको जानकारी प्रवक्ता खनालले जानकारी दिनुभयो । रासस
