धनकुटाका नगर र गाउँपालिकाहरुको पुँजीगत खर्च ३३ प्रतिशत मात्र
धनकुटा खबर, बैशाख ११ । चालु आर्थिक वर्षको ९ महिनामा धनकुटाका स्थानिय निकायहरुको पुँजीगत खर्च ३३ प्रतिशत मात्र भएको छ ।
तीन चौमासिक सम्ममा चालु खर्च तर्फ साबिक ३ हाल ७ वटा स्थानिय निकायहरुको ७५ प्रतिशत सम्म भएपनि ती निकायहरुको पूँजिगत खर्चतर्फ भने ३३ दशमलव ६३ सम्म मात्र प्रगति रहेको छ ।
साबिक जिबिसमा आवद्ध २८ गाबिस हाल जिल्ला समन्वयन समित अन्तर्गत् आवद्ध रहेका एक नगरपालिका ४ गाउँपालिकाको चालु तर्फ ५८ दशमलव ६६ र पूँजिगत तर्फ २२ दशमलव २६ मात्र खर्च भएको छ ।
बिषयगत कार्यालयहरुबाहेक जिसस तर्फको बनियोजित ४१ करोड १२ लाख ९२ हजारमा २४ करोड १२ लाख ९२ हजार खर्च भएको छ भने पूँजिगत तर्फ बिनियोजित १६ करोड ८८ लाख ४९ हजारमा ३ करोड ७६ लाख खर्च भएको समनवयन समितिले जानकारी दिएको छ ।
त्यस्तै धनकुटा नगरपालिकाको चालु खर्च तर्फ ५५ दशमलव ८५ प्रतिशत प्रगति भएपनि पूँजिगत तर्फ ३३ दशमलव ६३ प्रतिशत खर्च भएको छ ।
चालु तर्फ बनियोजित ७ करोड ८ लाख ७७ हजार मध्ये ३ करोड ९५ लाख ८६ हजार र पूँजिगत तर्फ बिनियोजित ११ करोड १७ लाख ९० हजार ३ करोड ७६ लाख खर्च भएको कार्यालयले जानकारी दिएको छ ।
त्यस्तै पाख्रिबास नगरपालिकाले चालु तर्फ ७५ दशमलव ७५ प्रतिशत र पूँजिगत तर्फ १२ दशमलव ३३ प्रतिशत मात्र प्रगति भएको जानकारी दिएको छ ।
चालु खर्च तर्फको २ कल ८० लाख ५९ हजार मध्ये २ करोड १२ लाख ५७ हजार र पूँजिगत तर्फको ७ करोड २० लाख २६ हजारमा ८८ लाख ८५ हजार मात्र खर्च गरेको नगरपालिकाले जानकारी दिएको छ ।
पुरानो संरचनाबाट जिल्ला नयाँ संरचनामा जाँदा भौतिक निर्माण र बिकासका क्षेत्रका रकमहरु निकासी गर्न समस्या भएकाले पूँजिगत प्रगति न्यून देखिएको स्थानिय बिकास अधिकारी पर्व प्रसाद साप्कोटाले जानकारी दिनुभयो ।
