फोहर तहलगाऊने कर्मचारीहरुको निःशुल्क उपचार शुरु
धनकुटा खबर, बैशाख १४ । धनकुटा नगरपालिकाले फोहोर ब्यबस्थापनमा कार्यरत आफ्नो कर्मचारीहरुको नियमित स्वास्थ्य उपचार गराउन शुरु गरेको छ ।
नगरपालिकाले पहिलो पटक बिहिबार देखि फोहरमैला ब्यबस्थापनमा कार्यरत १८ जना कर्मचारीहरुको धनकुटा अस्पतालमा स्वास्थ्य परीक्षण गराएको छ ।
सरकारले तोकेको नियम अनुसार उनीहरुको बर्षको २ पटक निःशुल्क उपचार गरिने नगरपालिकाका कार्यकारी अधिकृत तिर्थ प्रसाद धितालले जानकारी दिनुभयो ।
नेपाल सरकारको फोहोरमैला ब्यबस्थापनमा धनकुटा नगरपालिका नगर सफा राख्ने दोस्रो नगरपालिकामा पर्दछ ।
