मृत्यु कुरेर बस्नुपर्ने अबस्थामा पुगेकी धनकुटाकी धनकुमारीले पाऊने भईन नयाँ जीवन !
धनकुटा खबर, बैशाख १४, । दुबै मृगौला फेल भएकी धनकुटा छिन्ताङ्ग गाउँपालिका आँखिसल्ला ७ चाम्चाकी ५४ बर्षिया धनकुमारी राईले पुनः जीवन पाउने भएकी छिन् ।
२ बर्ष देखि मृगौला फेल भई बिराटनगरका बिभिन्न अस्पतालमा उपचारका क्रममा ६ लाख सकेर मृत्यु कुरेर बस्नुपर्ने अबस्थामा पुगेकी राईले अब निःशुल्क मृगौला प्रत्यारोजन गर्न पाउने भएकी छिन् ।
हाल हाल भक्तपुरको मानव अंग प्रत्यारोपन केन्द्रमा उपचारका क्रममा रहेकी राईको ५ लाखमा मृगौला प्रत्यारोपन हुने भएपछि उनका देवर बम बहादुर राईले स्वास्थ्य मन्त्री गगन थापा प्रति आभार ब्यक्त गरेका छन् ।
यद्यपी उपचारका क्रममा सम्पूर्ण पैसा सकिएकोले अतिरित्त खर्चको लागि उनले सहयोग लागि सबैलाई आग्रह गरेका छन् ।
नेपाल सरकारका स्वास्थ्य मन्त्री थापाको बिशेष पहलमा निःशुल्क मृगौला प्रत्यारोपणको नीति लागु भएपछि नेपालीहरुलाई राहत मिल्दै आएको छ ।
