काबेली बिकास बैंकको नवौं साधारण–सभा सम्पन्न, २० प्रतिशत बोनस शेयर वितरण
धनकुटा खबर, बैशाख २७ । धनकुटामा केन्द्रिय कार्यालय रहेको काबेली बिकास बैकको नवौं साधारण–सभा सम्पन्न भएको छ ।
बैकले आफ्नो साधारण–सभाको अबसरमा बैंकमा आवद्ध ४ हजार २ सय ३५ शेयर सदस्यहरुलाई मुनाफाको २० प्रतिशत बोनस शेयर बितरण गरेको छ ।
गत सालको ७ करोड १ लाख ७६ हजार मुनाफाबाट चालु आवमा १ करोड ४० लाख ३५ हजार २ सय रकम बराबरको शेयर वितरण गरिएको कम्पनी सचिव शैलेनद्र वादे श्रेष्ठले जानकारी दिनुभयो ।
चालु आवको चैत्र मसान्त सम्म ५८ करोड ९२ लाख ७५ हजार ९ सय ६ रुपैंया निक्षेप संकलन गरेको बैंकले कुल कर्जामा १३ दशमलव ९७ प्रतिशत बृद्धि गरेर ६९ करोड ५४ लाख ४२ हजार ४ सय ८० रुपैया पु¥याएको छ ।
७० प्रतिशत संस्थापक शेयर घटाएर ५१ प्रतिशत मात्र राखेको बैकले १९ प्रतिशत थपेर साधारण सेयर ४९ प्रतिशत कायम गरेको बैंकका अध्यक्ष गोपाल प्रसाद काफ्लेले जानकारी दिनुभयो ।
कार्यक्रममा नेपाल पत्रकार महासंघ धनकुटाका अध्यक्ष राजेश्वर बहादुर श्रेष्ठ,उद्योग बाणिज्य संघ धनकुटाका अध्यक्ष उमेश घिमिरे,सन्चालक द्वय दिपक गौतम र तिलबिक्रम चेम्जोङ्गले शुभकामना मन्तब्य राख्नुभएको थियो ।
बैंकको बन्द–सत्रले बैंकका ४१ संस्थापक शेयरधनीबाट गोपाल प्रसाद काफ्ले,जनार्दन घिमिरे,हेमराज सुबेदी र लक्ष्मिनाथ घिमिरे गरी ४ जना सन्चालक सदस्यहरु छनौट गरेको छ ।
छनौट भएका सन्चालकहरु र साधारण शेयर धनीहरुबाट छनौट भएका सदस्यहरुको पहिलो बैठकबाट अध्यक्षको छनौट हुने बैंकका सूचना अधिकृत मोहन ढुंगेलले जानकारी दिनुभयो ।
