सल्लेरीमा भेटियो मृत नवजात शिशु !
सोलुखुम्बुको सदरमुकाम सल्लेरीमा नबजात शिशु मृत भेटिएका छन् । नयाँ बजार स्थीत मुख्य सडकको भीरमा नवजात शिशु भेटिएको हो । मंगलबार अपरान्ह जन्मेर फालेको अबस्थामा शिशु भेटिएको हो । सालनालसहित भेटिएको शिशुको शारीरिक अंग पूर्णरुपमा विकास भइसकेकाले महिना पुगेर नै जन्मिएको हुनसक्ने प्रारम्भिक अनुमान छ । तर शिशु कस्ले जन्माएर फालिन् भन्नेबारे खुलेको छैन ।
अबैद्ध संबन्धबाट जन्मेको शिशु भएकाले कसैले हत्या गरि फालेको हुन सक्ने आशंका गरिएको छ । यद्यपी यस बारे थप कुनै सुराक नमिलिसकेकाले अनुसनधान सुरु गरिएको प्रहरीले जनाएको छ । शिशुको शब पोष्ट मार्टमका लागि जिल्ला अस्पताल पुर्याइएको छ । यस अघि पनि डेड बर्ष पहिले सोही स्थान नजिकै नबवात शिशुको शब भेटिएको थियो । ०७२ मंसिर २७ र २८ गते दुइ वटा यस्तै शिशु भेटिएको थियो ।
जिवित शिशु जन्माइ हत्या गरी फालेको भए घटनाको प्रकृतिअनुसार सर्बस्वसहित जन्मकैदसम्मको सजाय हुने व्यवस्था छ । यदि सामान्य अबस्थामा शिशुको जन्म भइ मृत्यु भएको भए फोहोरको डंगुरमा शव कसैले नफाल्ने भन्दै अबैध सम्वन्धबाट नै शिशुको जन्म भइ हत्या गरी फालेको हुनसक्ने स्थानीयको ठहर छ । सोलुखुम्बुमा पछिल्लो समय अबैध यौन सम्बन्धबाट शिशु जन्माइ हत्या गरी फाल्ने क्रम बढ्दै गएको छ ।
