प्रशासनिक खर्च जोगाएर जिल्ला अस्पताल धनकुटालाई कम्बल वितरण
धनकुटा खबर, जेठ १९ । धनकुटा नगरपालिकाले प्रशासनिक खर्च जोगाएर जिल्ला अस्पताल धनकुटालाई ३५ थान कम्वल वितरण गरेको छ ।
उपचारका लागि आउने बिरामिहरुको सुबिधालाई ध्यानमा राखेर नगरपालिकाले करिब ७० हजार मूल्य पर्ने ३५ थान कम्वल वितरण गरेको हो ।
जिल्ला अस्पताल धनकुटामा आज आयोजित कार्यक्रममा प्रमुख जिल्ला अधिकारी प्रेमप्रकाश उप्रेति र धनकुटा नगरपालिकाका कार्यकारी अधिकृत तीर्थप्रसाद धितालले संयूक्तरुपमा अस्पताल विकास समितिका अध्यक्ष सुनिल डंगोल तथा बरिष्ठ मेडिकल सुपरिटेण्डेन मदनकुमार उपाध्यायलाई कम्वल वितरण गर्नु भएको हो ।
कार्यक्रममा प्र्रमुख जिल्ला अधिकारी उप्रेतिले प्रशासनिक खर्च कटाएर बिरामिको परोपकारमा लगानी गरिएको भन्दै नगरपालिका परिवारको सराहना गर्नु भयो ।
यस्तै कार्यक्रमका अध्यक्ष कार्यकारी अधिकृत तीर्थप्रसाद धितालले प्रभावकारी स्वास्थ्योपचार सेवामा अस्पताल ब्यबस्थापनले गरिरहेको प्रयासमा सहयोग पुगोस भन्ने उदेश्यले कम्बल वितरण गरिएको बताउनुभयो ।
