तराई मामिला विज्ञ राजेश अहिराज भन्छन,- ‘राजपा चक्रब्युहमा फस्यो, मधेसमा चुनाव राजपा मात्र हैन सरकार पनि चाहान्न’ (भिडियो हेर्नुहोस्)
‘तराई मामिला विज्ञ डा. राजेश अहिराजले सरकार स्थानीय तहको निर्वाचन गराउने काममा सक्रिय नभएको आरोप लगाउनु भएको छ ।
जनता टेलिभिजनसँगको कुराकानीका क्रममा डा. अहिराजले सरकार निर्वाचन गराउने पक्षमा नदेखिएको र राष्ट्रिय जनता पार्टी (राजपा)को चित्र र चरित्र फरक देखिएकोले तराईको समस्या सहजै हल नहुने अवस्था आएको बताउनु भयो ।
‘काठमाडौंमा बसेर प्रधानमन्त्रीको चुनावमा लाइन लाग्ने, तराईका जनतालाई मतदान बहिस्कार गर भन्ने,’ राष्ट्रिय जनता पार्टीको चरित्र विश्लेषण गर्दै डा. अहिराजले भन्नुभयो, ‘अहिलेसम्म मधेसलाई धोका दिने काम काँग्रेसबाटै भएको र यसपटक पनि राष्ट्रिय जनता पार्टीलाई काँग्रेसले यही हालतमा पु¥याइदिने योजना बनाएकाले निर्वाचनमा भाग नलिए भूल हुने बताउनु भयो ।
