जनमोर्चाले खोल्यो खाता, प्यूठानको मल्लरानीमा विजयी
प्यूठान, असार १६ । प्यूठानको मल्लरानी गाउँपालिकामा राष्ट्रिय जनमोर्चाका अध्यक्ष र उपाध्यक्ष विजयी भएका छन् । मल्लरानीमा जनमोर्चाका अध्यक्ष उम्मेदवार अमरध्वज राना र उपाध्यक्षमा सरीता जिसी विजयी हुनुभएको हो । रानाले २ हजार ३ सय २८ मत प्राप्त गर्नुभएको छ । उहाँका निकटतम प्रतिद्वन्द्वी एमालेका इमानसिंह भारतीले एक हजार ६ सय ८७ मत प्राप्त गर्नुभयो । यस्तै मल्लारानीको उपाध्यक्षमा जनमोर्चाकै सरीता जिसीले २ हजार ३ सय ९४ मत ल्याउनुभएको छ ।
उहाँका प्रतिद्धन्दी सरिता पोख्रेलले एक ७ सय ८६ मत ल्याउनुभयो । पाँच वटा वडा रहेको गाउँपालिकामा जनमोर्चाले ३ वटा वडामा विजयी भएको छ । मत परिणाम अनुसार १ मा चिन्त बहादुर राहु, २ मा लेख बहादुर थापा र ३ नं. वडामा गिरिराज पौडेल विजयी हुनुभएको छ । नेपाली कांग्रेस वडा नम्बर ४ र नेकपा एमालेले वडा नम्बरमा विजयी हुनुभएको छ ।
