पूर्वको चर्चित शहर धरान उपमहानगरपालिकामा कांग्रेस पछि पर्यो, एमालेका तारा सुब्बाको अग्रता सुरु
धरान, १७ असार । पूर्वको चर्चित शहर धरान उपमहानगरपालिकाको मतगणनामा शुरुदेखि नै पछि परेको नेकपा एमालेले शनिवार साँझबाट अग्रता लिन शुरु गरेको छ ।
एमालेका मेयर उम्मेदवार तारा सुब्बाले कांग्रेसको अग्रता तोडेर अघि बढेका हुन् । पछिल्लो परिणाम अनुसार एमालेका तारा सुब्बाको २६१८ मत छ भने कांग्रेसका तिलक राईले २५२१ मत का साथ पछ्याइरहेका छन् ।
माओवादीका मेयर उम्मेदवार अइन्द्रक्रिम बेघाले १६२४ मत ल्याएर तेस्रो स्थानमा छन् । त्यस्तै उपमेयरमा पनि एमालेकै मन्जु भण्डारीले २६१२ मतका साथ अग्रता सुरु गरेकी छन् भने कांग्रेसकी श्यामा राईले २४८७ मतका साथ पछ्याइरहेकी छन् ।
