बुटवल उपमहानगरपालिकामा एमालेको जीत पक्का, यस्तो छ ताजा मत परिणाम
काठमाडौं, २१ असार । बुटवल उपमहानगरपालिकामा नेकपा एमालेको जीत लगभग पक्का भएको छ । अहिले सम्म १७ वटा वडाको नतिजा आएको छ ।
१७ वटा वडा मध्ये १३ नम्बर वडामा नेपाली कांग्रेसले जित निकालेको छ भने अरु सबै वडामा एमालेले जित्यो । अब १८ र १९ वडामो मात्रै नतिजा आउन बाँकी छ ।
१७ वटा वडामो मत परिणाम आइसक्दा बुटवलमा एमालेका मेयर पदका उम्मेदवार २ हजार ६ सय ८१ मतले अघि छन् ।
अब गन्न बाँकी मत चाहिँ जम्मा ३ हजार दुई सय ३४ रहेको छ । बुटवलमा कांग्रेस माओवादीले जित्नको लागि ३ हजार भोट ल्याउनुपर्छ । तर ३४ सय मा ३ हजार भोट आउने सम्भावना कम छ ।
मेयर पदमा एमालेका शिवराज सुवेदीको २२ हजार ३५ मत छ भने कांग्रेसका खेलराज पाण्डेयको १९ हजार ३ सय ५४ मत छ ।
