आइसीसी १९: मलेसियासँगको खेलमा नेपाल ५ विकेटले विजयी
काठमाडौं, ३ साउन । आइसीसी १९ वर्षमुनिको विश्वकप छनोट क्रिकेट प्रतियोगिता अन्तर्गत मलेसियासँगको खेलमा नेपाल ५ विकेटले विजयी भएको छ । मलेसियाले दिएको ५९ रनको लक्ष्य नेपालले ९.५ ओभरमा ५ विकेट गुमाउँदै भेटायो ।
यसअघि पहिलो ब्याटिङ गरेको मलेसियाले २५.५ ओभरमा सबै विकेट गुमाउँदै मात्र ५८ रन बनान सक्यो । नेपालका लागि आसिफ शेखले सर्वाधिक २३ रन बनाए भने प्रनित थापामगरले १९ रनको योगदान गरे । नेपालका अन्य व्याट्सम्यानले भने खासै राम्रो प्रदर्शन गर्न सकेनन् । मलेसियालाई सस्तैमा समेट्न सन्दिप लामिछाने एक्लैले ५ विकटे लिए । यस्तै पवन शर्राफले ३, किशोर महतो र सन्दिप सुनारले समान १–१ विकेट लिए ।
