जिल्ला समन्वय समिति धनकुटाको २ करोड ३८ लाख रुपैयाँ फ्रिज
धनकुटा खबर, साउन ५ । आर्थिक बर्ष २०७३-०७४ मा जिल्ला समन्वय समिति धनकुटाको २ करोड ३८ लाख रुपैयाँ रकम फ्रिज भएको छ ।
जेष्ठ नागरिक सम्मान तथा सामाजिक सुरक्षा कार्यक्रमको ६५ लाख रुपैयाँ रकम फ्रिज भएको जिल्ला समन्वयन समिति धनकुटाले जानकारी दिएको छ ।
त्यसैगरी संस्कृति प्रर्बद्धन कार्यक्रम अन्र्तगत ४४ लाख, झोलुङ्गे पुल क्षेत्रगत विकास कार्यक्रमको पुँजीगत तर्फ ३१ लाख र चालु खर्चतर्पm ३१ लाख रुपैयाँ फ्रिज भएको छ ।
त्यस्तै सानासिंचाई तथा अन्य पुर्वाधार विकास कार्यक्रमको ३० लाख, निर्वाचन क्षेत्र विकास कार्यक्रम अन्र्तगत १४ लाख , स्थानीय शासन तथा सामुदायिक विकास कार्यक्रमबाट ७ लाख, ग्रामिण खानेपानी तथा सरसफाई कार्यक्रमबाट ५ लाख, दुई आर्थिक केन्द्र जोड्ने सडक निर्माण कार्यक्रमबाट ७ लाख, स्थानीय स्तरका सडक पुल तथा सामुदायिक पहुँच निर्माणको लागि आएको १ लाख रुपैयाँ बजेट फ्रिज भएको छ ।
स्वीकृत गरेका योजना तथा कार्यक्रममा स्थानीय उपभोक्तहरु समयमै सम्झौता गर्न नआएको, योजनाहरुको काम समयमै नसकेको र केही योजनाहरु सञ्चालन गर्न उपभोक्ताहरु सम्पर्कमा नआएकाले सञ्चालन गर्न नसकेको जिल्ला समन्वय समितिका स्थानीय विकास अधिकारी पर्वप्रसाद सापकोटाले बताए ।
अघिल्लो बर्ष पनि समितिको १ करोड ५५ लाख रुपैयाँ फ्रिज भएको थियो ।
