हङकङबाट बाढीपहिरो पीडितलाई २० लाख बराबरको सहयोग
धनकुटा खबर, भदौ ११ । हङकङमा कार्यरत नेपाली र संघ संस्थाहरुले नेपालका बाढीपहिरो पिडितहरुलाई २० लाख बराबरको बिभिन्न बन्दोबस्तीका सामाग्री सहयोग गरेका छन् ।
हङकङमा कार्यरत नयां शक्ति नेपालका केन्द्रिय आयोजक समिति सदस्य घनश्याम चौलागाईको पहलमा उक्त सहयोग जुटाईएको हो ।
नेपालबाट सर्लाहिका सम्भु खड्काको बिशेष पहल र हङकङमा कार्यरत सर्लाहीका आधा दर्जन भन्दा बढी संस्थाहरुको पहलमा पिंडितहरुको लागि खाद्यन्न,लत्ता कपडा र बन्दोबस्तीका सामान सहयोग जुटेको हो ।
हङकङमा रहेका १ दर्जन भन्दा बढी नेपाली संस्था र २ हजार भन्दा बढी नेपालीहरुको सहयोगमा करिव ९ दिनको अन्तरालमा उक्त सहयोग जुटेको चौलागाईले धनकुटा खबरलाई जानकारी दिनुभयो ।
उक्त सामाग्रीहरु नेपाल सरकार मार्फत् पिडितहरुलाई वितरण गरिएको चौलागाईंले धनकुटा खबरलाई जानकारी दिनुभयो ।
तस्वीर सौजन्य : घनश्याम चापागाई
