लोकमानसिंह कार्कीले जबर्जस्ती पैसा थमाएर पक्राउ गरेका नेपाल प्रहरीका डीएसपीले मुद्दा जिते
काठमाडौं, २५ भदौ । अख्तियार दुरुपयोग अनुसन्धान आयोगका तत्कालीन प्रमुख आयुक्त लोकमानसिंह कार्कीले जबर्जस्ती पैसा थमाएर पक्राउ गरेका नेपाल प्रहरीका डीएसपी दयानिधि ज्ञवाली र इन्स्पेक्टर रमेशबहादुर सिंहले विशेष अदालतबाट सफाइ पाएका छन् ।
विशेष अदालतका न्यायाधीश मोहनरमण भट्टराई, बाबुराम रेग्मी र प्रभा बस्नेतको इजलासले डीएसपी ज्ञवाली र इन्स्पेक्टर सिंहलाई अभियोग मागदाबीबाट आइतबार सफाइ दिएको छ । लोकमानले संजय झा जस्ता विवादास्पद ब्यक्तिलाई प्रयोग गरी एक रेष्टुरेन्टबाट डीएसपी ज्ञवालीलाई घुस लिएको आरोपमा २०७२ माघ १८ मा पक्राउ गरेका थिए ।
अख्तियारको टोलीले जाउलाखेलस्थित पेट्रोल पम्पका सञ्चालकको लेनदेनसम्बन्धी विवाद मिलाउने नाममा तीन लाख रुपैयाँ घूस लिएको आरोपमा ज्ञवाली र इन्स्पेक्टर सिंहलाई पक्राउ गरेको थियो । – दृष्टीन्यूजबाट साभार ।
