धनकुटाका उद्योगी ब्यपारी तथा अगुवा कृषकहरुलाई अभिमुखिकरण
धनकुटा खबर, असोज १ । दीगो ब्यपार तथा ब्यबसाय सन्चालनमा सहयोग पुर्याउने उदेश्यले धनकुटाका उद्योगी ब्यपारी तथा अगुवा कृषकहरु संग उद्योग बाणिज्य संघ धनकुटाले अभिमुखिकरण कार्यक्रम गरेको छ ।
डेनमार्क सरकारको उन्नती परियोजना अन्तर्गत् आईएलओको सहयोगमा ३ दिने बहुराष्ट्रिय उद्यम तथा रामाजिक नीति बिषयक अभिमुखिकरण दिन लागिएको हो ।
परियोजनाले पूर्वका ७ जिल्लामा सन्चालन गरिरहेको अदुवा, अलैची, अदुवा र दुधको क्षेत्रमा मूल्य श्रंखलालाई सहयोग पुर्याउने उदेश्यले उक्त कार्यक्रम गरिएको बाणिज्य संघका अध्यक्ष उमेश घिमिरेले जानकारी दिनुभयो ।
आईतबारबाट शरु कार्यक्रममा अभिवक्ता राम कृष्ण काफ्ले भ्यालु चेन, आईएलओको त्रि–पक्षिय सम्झौता, बहुराष्ट्रिय कम्पनी सन्चालन लगाएतका बिषयमा अभिमुकिरण दिनेछन् ।
आईएलओको २४ लाख ६१ हजार आर्थिक सहयोगमा सम्पन्न उक्त अभिमुखिकरणमा जिल्लाका ३४ जना कृषक,ब्यपारी र उद्योगीहरुको सहभागि रहने संघका कार्यालय सचिव जयन्द्र प्रधानले जानकारी दिनुभयो ।
कार्यक्रममा जिल्ला समन्वयन समितिका सभापति तथा कार्यक्रमका प्रमुख अतिथी टंक चौहान, नेपाल पत्रकार महासंघ धनकुटाका अध्यक्ष राजेश्वर बहादुर श्रेष्ठले शुभकामना दिनुभएको थियो ।
