अमेरिकाको लस भेगासको क्यासिनोमा बन्दुकधारीबाट अन्धाधुन्ध गोली प्रहार, ५० जनाको मृत्यु, २ सय बढी घाइते (भिडियो सहित )
अमेरिकाको लस भेगासमा भएको एक कन्सर्टमा गोली प्रहार गरी ५० जनाको हत्या गरिएको छ भने २ सय बढी घाइते भएका छन् । कन्सर्टस्थल नजिकैको एक होटलबाट अन्धाधुन्धा गोली प्रहार गरिएको थियो ।
प्रहरीका अनुसार स्थानीय ६४ वर्षीय स्टेफेन प्याडोकले कन्सर्टस्थल नजिकैको मन्डाले बे होटलको ३२ औं तलाबाट अन्धाधुन्धा गोली प्रहार गरेका थिए ।
प्रहरीले उनलाई होटलमै गोली हानी हत्या गरेको छ । प्रहरी अधिकारीका अनुसार उनी रहेको स्थानमा धेरै मात्रामा हतियारहरु फेला परेका छन् ।
यो अमेरिकाको इतिहासमै सबैभन्दा खराब घटना हो ।
सुरक्षा अधिकारी सेरिफ जो लोम्बार्डोले यसलाई साढेको आक्रमणको संज्ञा दिएका छन् । उनका अनुसार प्रहरीले ति आक्रमणकारीसँगै होटल प्रवेश गरेको महिलाको पहिचान गरिसकेको छ । आक्रमणमा दुई प्रहरी अधिकारी पनि मारिएका छन् ।
प्रत्यक्षदर्शीका अनुसार आक्रमणकारीले सयौं गोली प्रहार गरेका थिए । यो क्षेत्रमा धेरै होटल छन् ।
लग भेगासका अन्य स्थानमा पनि आक्रमणका घटना भएको भनिए पनि प्रहरीले यसलाई गलत भनेको छ ।
https://youtu.be/uaZIPosM8Hs
