करुवा प्रविधीबाट खोला थुनेर माछापालन : कृषक भन्छन,- फाईदै-फाईदा छ, यो ब्यबसायलाई सबैले मिलेर अघि बढाऔं (भिडियो सहित)
धनकुटा खबर । भेडेटार गाविस वडा नं. ४ का स्थानीय देव इवाहाङले लेउती खोलाको बगरमा व्यवसायिक माछा पालन गरी वगरलाई उर्वर भूमी बनाएका छन् । उनले करिव ३४ रोपनी वगरको ६ रोपनीमा चार वटा पोखरी निर्माण गरि माछा पालन गरेका छन् ।
२०४० साल भन्दा अघि धान खेती गर्दै आइरहेको उक्त खेतमा वाढी पसेपछि उब्जाउ भूमी बगरमा परिणत भएको थियो ।
व्यवसायिक माछा पालनमा २३ लाख ५० हजार रुपैया लगानी गरेका छन् । माछापुच्छ्रे बैंकबाट १३ लाख ५० हजार रुपैया ऋण लिएको उनले बताए ।
खोलाको वाढी माछा पोखरीमा पस्न नदिन इवाहाङले लेउती खोलाको किनारमा ठूला ढुंगाहरुमा फलामे रडकको हुक लगाएका छन् । खोलाको वाढी छेक्न अपनाएको यो नौलो उपाय हो । बर्खाको सिजनमा खोलामा वाढीको भेल आउँदा पनि पोखरीमा पस्न नसकेको उनले बताए । फलामे रडको हुक लगाउन १३ लाख रुपैया खर्चेको उनको भनाई छ ।
खोलाको वगरमा व्यवसायिक माछा गरिरहेका अन्य किसानलाई सो उपाय अपनाउन उनको सुझाव छ । गत बर्ष प्रति केजी ३ सयका दरले ७ क्वीटन बेचेर २ लाख १० आम्दानी गरेका ईवाहाङ्गले यो बर्ष १४ क्वीनटन बिक्री लक्ष राखेका छन् ।
