रुसका विदेश मन्त्रीले भने,- सिरियाका सवै दलहरूले सर्त मान्न तयार भए युद्धविरामको प्रस्ताव कार्यान्वयन हुन्छ
किन पर्यो सिरिया शक्ति राष्ट्रको चङ्गुलमा ?, सिरियामा मानवीयता बम र बारुदको धुँवासंग हार्दै (भिडियो)
सवै पार्टीले शर्त मानेमा सिरियामा युद्धविराम सम्भव
रुसका विदेश मन्त्री सर्गेइ लाभरोभले सिरियाका सवै दलहरूले सर्तहरू मान्न तयार भए मात्रै राष्ट्रसंघीय सुरक्षा परिषद्को युद्धविरामको प्रस्ताव कार्यान्वयन हुने बताउनु भएको छ ।
सुरक्षा परिषद्को प्रस्ताव २४०१ कार्यान्वयन गर्न धेरै बाधाहरु आइपरेको उहाँले सोमबार आयोजित पत्रकार सम्मेलनमा बताउनुभयो ।
सुरक्षा परिषद्को उक्त प्रस्तावमा सिरियाका सवै पक्षलाई कम्तिमा तीस दिने युद्धविराम गरी मानवीयता कायम राख्न आग्रह गरिएको छ ।
रसियाका उच्च कुटनीतिक अधिकारी लाभरोेभले आईएस लडाकूले मात्रै नभई अन्य पक्षले पनि युद्धविरामका सर्तहरू पालना गर्नुपर्नेमा जोड दिनुभयो ।
सिरियामा २५ नागरिकको मृत्यु, अधिकांश बालबालिका
अमेरिकी नेतृत्वको हवाई सेनाले सिरियाको पूर्वी देर अजोर प्रान्तमा गरेको हवाई हमलामा परी कम्तिमा २५ जनाको मृत्यु भएको छ । अनुगमनकर्ताहरूले सोमबार दिएको जानकारी अनुसार आतंकवादी विरुद्ध भन्दै गरिएको आक्रमणका क्रममा उनीहरूको मृत्यु भएको हो ।
इस्लामिक स्टेट (आइएस) लडाकूको पक्कड क्षेत्र मानिने उफ्राटेस नदीको किनारमा आईतबार हवाई आक्रमण भएको थियो ।
बेलायतको लण्डनमा कार्यालय रहेको अनुगमनकारी संस्थाले मारिएका मध्ये आधाभन्दा बढी बालबालिका रहेको जनाएको छ ।
सिरियाली राज्यद्वारा सञ्चालित समाचार संस्था सानाले २९ जनाको मृत्यु भएको र कैयौँ अन्य घाइते भएको समाचार प्रवाह गरेको छ ।
देर अजोरमा गत हप्ता पनि अमेरिका नेतृत्वको हवाई सेनाको आक्रमणमा परी १५ नागरिकको मृत्यु भएको सानाले जनाएको थियो । कुर्द नेतृत्वको प्रजातान्त्रिक शक्ति (एसडीएफ)लाई अमेरिका नेतृत्वको गठबन्धनको समर्थन रहँदैआएको छ ।
किन पर्यो सिरिया शक्ति राष्ट्रको चङ्गुलमा ?, सिरियामा मानवीयता बम र बारुदको धुँवासंग हार्दै
मध्यपूर्वको शान्त र समृद्ध मानिएको मुलुक सिरियाले अहिले विश्वको ध्यान तानेको छ । पश्चिमा शक्ति राष्ट्रहरुको शक्ति प्रदर्शनको कोपभाजनको शिकार बनेको सिरियामा विगत दुई बर्षदेखि निरन्तर जारी युद्दले तीन लाख बढी नागरिकले ज्यान गुमाइ सक्दा लाखौ नागरिक शरणार्थीकोरुपमा पलायन बनेका छन् । मावनीयताको चरम उपहास भएको सिरियामा शान्तिको शंखनादको संकेत पनि देखिएको छैन । थप हेर्नुहोस् भिडियोमा
