दयाहाङ्ग राई धनकुटा आउने, यस्तो छ कारण
धनकुटा खबर । चर्चित नायक तथा फिल्म डाईरेक्टर दयाहाङ्ग राई धनकुटा आउने भएका छन् ।
टिन्स क्रिउ डान्स ट्रेनिङ्ग सेन्टर धनकुटाले आयोजना गरेको पूर्वाञ्चल गट ट्यालेन्ट २०७४ को ग्राण्ड फाईनलको निर्णायकको भूमिका निर्वाह गर्न राई आउन लागेका हुन् ।
आयोजक संस्थाले पत्रकार सम्मेलन गरेर संगितकार अशोक मुकारुङ्ग र राई आउने जानकारी दिएको छ ।
चैत्र ३ गते शनिबार धनकुटाको तल्ले टुंडिखेलमा सम्पन्न हुने उक्त फाईनल प्रतियोगितामा बिभिन्न जिल्लाबाट गायन,अभिनय र एकल नृत्य बिद्याका फाईनलमा पुगेका १२ प्रतियोगिहरुबीच प्रतिष्प्रधा हुनेछ ।
बिजेताले रु १ लाख नगल र ५ लाख बरावरको जीवन बिमा पाउने कार्यक्रम संयोजक सुमन योगीले जानकारी दिए ।
उक्त कार्यक्रमलाई गोर्खा ब्रुअरी,प्राईम लाईफ ईन्स्योरेन्स र कान्जिरोवा होटल हिलेले प्रायोजनमा सम्पनन हुने आयोजकले बताएको छ ।
