नेपाल सहित ८ मुलुकका कला साधकहरुको समुह धनकुटा आईपुग्यो
धनकुटा खबर । नेपाल सहित विभिन्न आठ मुलुकका कला साधकहरुको एक समुह कलायात्राका क्रममा धनकुटा आईपुगेको छ ।
नेपाल सहित, छिमेकि मुलुक भारत, बंगलादेश, जापान, इण्डोनेशिया, दक्षिणकोरिया र अमेरिका लगायत देशका भित्तेचित्रका पारखी, बाद्यवादक, संगित क्षेत्रका विद्यार्थी र अमूर्त कला साधकहरु अभिब्यक्ति अभियान लिएर धनकुटा पुगेका हुन् ।
स्थानीय देउराली यूवा क्लवको संयोजनमा दुईदिनसम्म उनिहरुले विभिन्न अभिव्यक्ति र भावाकृतिका माध्यमबाट गीत संगित र कलाका विभिन्न रुप प्रस्तुत गरेका हुन् । काठमाण्डौं पछि धनकुटा पुगेका कला साधक र पारखीहरुको प्रस्तुति हेर्न सर्वसाधारणको भीड लागेको थियो ।
कलाकारहरुको टीमले अघिल्लो बर्ष धनकुटा सदरमुकामका चौकहरुमा धर्मसंस्कृति, जातिय र स्थानीयको दैनिक जीवनयापन झल्कने वाल पेन्टिङ समेत गरेका थिए ।
