जिल्ला ट्राफिक प्रहरी कार्यालय धनकुटाद्वारा ५६ लाख राजश्व संकलन
धनकुटा खबर । जिल्ला ट्राफिक प्रहरी कार्यलय धनकुटाले गत आर्थिक वर्ष २०७४/७५ मा ५६ लाख ४ हजार राजश्व संकलन गरेको छ ।
आर्थिक वर्ष २०७३/७४ को तुलनामा ट्राफिक प्रहरी कार्यलयले ०७४/७५ मा १६ लाख ४ हजार वढी राजश्व संकलन गरेको हो ।
ट्राफिक प्रहरी दिपक खड्काले दिनुभएको जानकारी अनुसार १ हजार ३ सय ६९ वटा ट्रक,१ हजार २ सय १७ वटा वस,१ हजार ७ सय ७८ वटा जिपकार,१ हजार २ सय २८ वटा ट्याक्टर, ४ हजार २ सय १ मोटरसाईकल र अन्य ७ वटा सवारी कार्वाहीको क्रममा उल्लेखित राजश्व संकलन भएको हो ।
आर्थिक वर्ष २०७३र७४ मा कार्यलयले १ हजार २ सय ९३ ट्रक, ५ सय ८९ वस, १ हजार १ सय ४९ जिपकार, १ सय १६ वटा ट्याक्टर,२ हजार ७४ वटा मोटर साईकल र अन्य ४० वटा सवारी कारवाही मार्फत ४० लाख राजश्व संकलन गरेको थियो ।
