७५ लाख राजश्व संकलन गर्ने छथरजोरपाटीको लक्ष्य !
धनकुटा खबर । धनकुटाको छथरजोरपाटी गाउँपालिका आर्थिक बर्ष २०७५-०७६ मा ७५ लाख रुपैया राजश्व संकलन गर्ने लक्ष्य लिएको छ ।
गत आवमा ५० लाख रुपैया राजश्व संकलन गर्ने लक्ष्य लिएको गाउँपालिकाले लक्ष्य भन्दा ७ लाख रुपैया कम अर्थात ४३ लाख रुपैया मात्रै संकलन गर्न सफल भएको थियो । त्यस समय लक्ष्यमा पुग्न नसकेको गाउँपालिका ले २०७५/०७६ मा २०७४ /०७५ मा भन्दा २५ लाख रुपैया बढी राजश्व संकलनको लक्ष्य राखेको छ ।
अघिल्लो आर्थिक बर्षमा करका दायरा नबढेको कारण लक्ष्य अनुसार राजश्व संकलन नभएको तर यो बर्ष लक्ष्मा पुग्ने योजना भएको छथरजोरपाटी गाउँपालिकाका सूचना अधिकारी उपेन्द्र श्रेष्ठले जानकारी दिए ।
आर्थिक बर्ष २०७४/०७५ मा सबै भन्दा बढी राजश्व वडा न. ६ ले संकलन गरको र सबै भन्दा कम राजश्व साविक तेलिया गाविसमा पर्ने वडा न. ४ ले गरेको श्रेष्ठले बताए ।
