धनकुटाको हिलेमा तिजको चहलपहल शूरु
धनकुटा । नेपाली महिला दिदीवहिनीहरुको विशेष पर्व हरितालिका तिजको चहलपहल धनकुटाको हिलेमा शूरु भएको छ ।
यस अवसरमा आज यहाँको श्री कृष्ण जागृत भजन र्कितन समूहले एक कार्यक्रमको आयोजना गरि यो पर्व मनाएको छ । खास गरी आफ्नो पतिको सु स्वास्थ्य र दिर्घायुको कामना गर्दै मनाउने तिज पर्वको अवसरमा यो समूहले यहाँका दिदीवहिनीहरु सँग एकापसमा भेला भई दर खाएर भजन र्कितन र तीजको गीत गाउदै भव्यतामा साथ नाचगान गरी मनाएको समूहकी लक्ष्मी कटुवालले वताउनुभयो ।
हिले सिरान रत्न षडेश्वर मन्दिरमा सञ्चालित कार्यक्रममा यहाँका विभिन्न समूहका दिदीवहिनीहरुको उल्लेख्य सहभागीता थियो ।
धार्मिक ग्रन्थहरुमा उल्लेख भएअनुसार देवी पार्वतीका वुवाले देवताहरुका पनि देवता भगवान विष्णु सँग पार्वतीको विवाह गरिदिने निर्णय गरेपछि पीताको सो निर्णय प्रति आफु दुखी भएको र आफुले भगवान शिवलाई चाहेको कुरा साथीहरुलाई पार्वतीले वताएपछि साथीहरुले उनलाई हरण गरी जंगलमा लुकाएर राखेको र त्यही नदीको किनार नजिक एक गुफामा वसी शिव लिंग वनाई भाद्र महिनाको शूक्ल पक्ष हस्त नक्षत्रले युक्त तृतीय तिथिमा महादेवको पूजा आराधना गरी पार्वतीले शिवजीलाई पाएको उल्लेख छ ।
केराको थम्वा ठड्याइ मण्डप वनाएर तोरणले सिंगार गरी सुगन्ध चन्दनहरुले वालुवाको शिवलिंग खडा गरी मध्यान्न उप्रान्त भगवान शिवको पूजा गरी तिजको व्रत वस्ने चलन छ । तिजको व्रतमा फूलपाति नैवेद्य, नरिवाल, सुपारी,ज्यामिर ताथ पुष्प अर्पण गरी पूजाआराधना गरे आफ्नो मनोकांक्ष पूरा हुने विश्वास छ ।
यो पर्व भाद्र महिनाको शूक्ल पक्षको तृतीय तिथीमा मनाउने गरिन्छ ।
