धनकुटाको सडकमै चालकको आँखा परिक्षण !
धनकुटा । ट्राफिक कार्यालय धनकुटाले कोशी राजमार्गमा गुड्ने सवारी साधनका चालकहरुको सडकमै निःशुल्क आँखा परिक्षण गरेको छ ।
धनकुटा नगरपालिका वडा नं.–६ को समन्वय र नेत्रज्योती संघ धनकुटाको प्राबिधिक सहयोगमा धनकुटा–हिले सडक खडक खण्डमा चालकहरुको आँखा परिक्षण गरेको हो ।
एक दिने शिविरमा १ सय १२ जना सवारी चालकको आँखा परिक्षण गरिएको ट्राफिक कार्यालय धनकुटाका प्रमुख सुरेन्द्र खड्काले जानकारी दिनुभयो ।
परिक्षणको क्रममा अधिकांश सवारी चालकमा एलर्जीको लक्षण देखिएको र ४५ जना विरामीलाई निःशुल्क औषधि वितरण गरिएको वडाका कार्यवाहक अध्यक्ष मिलन खड्कीले बताउनुभयो ।
आँखाको कारण पनि सवारी दुर्घटना हुने भएकाले गर्दा जोखिम न्यूनिकरण गर्ने उदेश्यले शिविर संचालन गरिएको उनले जानकारी दिनुभयो ।
‘दृष्टि सबैको अधिकार’ भन्ने नाराका साथ सम्पन्न सिविरको जिल्ला प्रहरी कार्यालय धनकुटाका प्रहरी निरिक्षक सुरेन्द्र बहादुर तामाङ्गले आँखा जाँच गरेर उत्घाटन गर्नुभएको थियो ।
