धनकुटामा जीप दूर्घटना हुँदा २ जनाको मृत्यू, १४ जना घाईते
धनकुटा खबर । धनकुटाको सागुरीगढी गाँउपालिका ९ हर्दियामा आज जीप दूर्घटना हुँदा २ जनाको मृत्यू भएको छ । १४ जना घाईते भएकाछन् ।
मृत्यू हुनेहरुमा सागुरीगढी १० आहालेकी ३९ वर्षकी सनमाया राई र पाँचथर घर भई हाल आहाले मै छोरी ज्वाईकोमा वस्दै आउनुभएकी ६१ वर्षकी देवी माया सुनुवार रहेको जिल्ला प्रहरी कार्यलय धनकुटाका प्रहरी निरिक्षक सुरेन्द्र बहादुर गुरुङले जानकारी दिनुभयो ।
धनकुटाको सागुरीगढी १० तम्राङवाट धरान तर्फ जाँदै गरेको को १ ज १८२१ नं को जीप व्रके फेल भएर दुर्घटना भएको प्रहरी निरिक्षक गुरुङले वताउनुभयो । घाईते सवैलाई उपचारको लागि वि पी कोईराला स्वास्थ्य विज्ञान प्रतिष्ठान धरान पठाईएको छ ।
दूर्घटनाग्रस्त जीप सडकवाट अन्दाजी १ सय ५० मिटर तल खसेको थियो । (फाईल फोटो)
