धनकुटाका बिद्यालयहरुलाई १ करोड ८८ लाख बैदेशिक अनुदान !, कुन स्थानिय तहलाई कति ?
धनकुटा खबर । धनकुटाका जिल्लाका स्थानिय ७ तहका ९४ सामुदायिक बिद्यालयहरुले शिक्षण सुधार कार्यक्रमका लागि १ करोड ८८ लाख अनुदान पाउने भएका छन् ।
नेपालका २० जिल्ला सहित अमेरिकन संस्था युएसएआइडीले धनकुटामा लागु गरेको प्रारम्भिक शिक्षा कार्यक्रम(ईजीआरपी) अन्तर्गत उक्त अनुदान दिन शुरु गरिएको हो ।
२०७३ सालबाट धनकुटाका २ सय ९१ बिद्यालयमा लागु गरिएको बिद्यालयहरु मध्ये बिद्यार्थी सिकाई र प्रगतिको आधारमा उक्त अनुदान दिन लागिएका शिक्षा बिकास तथा समन्वय ईकाइ धनकुटा प्रमुख राम बहादुर थापाले जानकारी दिए ।
छनौट भएको बिद्यालयहरुलाई भदौबाट दुई÷दुई लाखका दरले अनुदान उपलब्ध गराईको कार्यक्रमको श्रोत ब्यक्ति योगेन्द्र चापागाईले जानकारी दिएका छन् ।
अनुदान पाउने बिद्यालयहरुमा धनकुटा न.पा.का १३,पाख्रिबास न.पा.का १२,महालक्ष्मी न.पा.का १७,छथर गाउँपालिका ९,शहिदभूमी गाउँपालिकाका १२,साँगुरीगढी गाउँपालिका १६ र चौबिसे गाउँपालिकाका १५ सामुदायिक बिदालयहरु रहेका छन् ।
